بسم الله ,,,

00000

000

0


[poem=font="Simplified Arabic,5,black,bold,normal" bkcolor="transparent" bkimage="" border="double,4,gray" type=2 line=1 align=center use=ex num="0,black"]
يامنتظر منّا لك الشكر الجزيل = بَعْد السواه اللي بهم سوّيتها
انا اشهد انْها تبري القلب العليل = وان قالوا اخْطَت قلت لك ماخطيتها
يكفي قدحت النار في خشم الفتيل = وِبْرَميتك روس العدا ذلّيتها
وسوّيت شيٍّ كان صعب ومستحيل = وارضيت نفسك والرجال ارضيتها
واصبحت للأحرار عنوان ودليل = وكل الصحف جابتك في مانشيتها
وهذي رسالة شكر بالفعل الجميل = من ديرة الشجعان لك سرّيتها
وامّا الرساله الثانيه فِلْها عميل = ويعرف مقاصدها ليا غنّيتها
اسرجت له صفرا لها صوت وصهيل = تحمل رساله بالعتب خطّيتها
واقولِ له والله على خلقه كفيل = أوحيتها والاّ بعد ماوحيتها
ياللي تسوم ولاورى السَوْمه حصيل = وفّر ملايينك بعد لمّيتها
واذكر نهار الموت لادنّ الرحيل = وكل القصور العامرات اخلَيْتها
والله لتُسْأل وانت في قبرك نزيل = امنين جبت وفايّ شيّ اعطيتها
لكن مدامك حي دور لك بديل = يغنيك والنفس بْعَمَلْه اغنيتها
وانفق فلوسك واطلب الرب الجليل = وتلقا ثواب الكف لامدّيتها
وكم ناس ماتلقى كثير ولاقليل = ومن ما يسدّ الجوع خالي بيتها
وكم من يتيمه دمع ناظرها يسيل = والجنّه الجنّه ليا راعيتها
هذا السبيل ان كان ضيّعْت السبيل = ماهوب في سوْمَتْك لو اغليتها
قبلك شَرَوْا منديل ضافية الجديل = وامْسَوْا على ياعلّها ياليتها
ونصيحتي والله على خلقه كفيل = أوحيتها والاّ بعد ماوحيتها[/poem]

(( محمد بن دخيل القثامي ))
mda9595@hotmail.com