وامّا الرساله الثانيـه فِلْهـا عميـل
ويعـرف مقاصدهـا ليـا غنّيتهـا
اسرجت له صفرا لها صوت وصهيل
تحمـل رسالـه بالعتـب خطّيتهـا
واقولِ له والله علـى خلقـه كفيـل
أوحيتهـا والاّ بـعـد ماوحيتـهـا
ياللي تسوم ولاورى السَوْمه حصيل
وفّـر ملاييـنـك بـعـد لمّيتـهـا
واذكر نهار المـوت لادنّ الرحيـل
وكل القصـور العامـرات اخلَيْتهـا
والله لتُسْأل وانت في قبـرك نزيـل
امنين جبت وفـايّ شـيّ اعطيتهـا
لكن مدامـك حـي دور لـك بديـل
يغنيـك والنفـس بْعَمَلْـه اغنيتهـا
وانفق فلوسك واطلب الرب الجليـل
وتلقـا ثـواب الكـف لامدّيتـهـا
وكم ناس ماتلقـى كثيـر ولاقليـل
ومن ما يسدّ الجـوع خالـي بيتهـا
وكم من يتيمه دمع ناظرهـا يسيـل
والجنّـه الجنّـه لـيـا راعيتـهـا
هذا السبيل ان كان ضيّعْت السبيـل
ماهوب في سوْمَتْـك لـو اغليتهـا
قبلك شَرَوْا منديل ضافيـة الجديـل
وامْسَـوْا علـى ياعلّهـا ياليتـهـا
ونصيحتي والله على خلقـه كفيـل
أوحيتهـا والاّ بـعـد ماوحيتـهـا
والله العظيم ياشيخ لو اني عندك لا احب خشمك وراسك يالعتيبي
بيض الله وجهك
الفقر ياكل اكثر الناس والاخ الله يكرم الجميع يبي يشتريها الحذيان بعشره مليون
لا اله الا الله
لا فض فوووووووووووووووووووك
سالم اليامي
|