[align=center]تحية لكل متصفح مقرونة بالعذر واسمحوا لها بالبقاء بينكم...![/align]

[poem=font="Simplified Arabic,5,black,normal,normal" bkcolor="transparent" bkimage="" border="double,5,gray" type=1 line=0 align=center use=ex num="0,black"]
صار الصراع اليوم ما بين ثنتين = بين المبادي واختلاط الثقافات
حنا مشينا لين جانا طريقين = ما عاد ندري بينها ناخذ أيَات
على القديم نقول يا ليل يا عين = وعلى الجديد أدخل بروكسي وشفرات
نمشي ونجري بس مدري على وين = وفات القطار وقالوا الناس ما فات
حنا بخير ولا لنا عندهم دين = ما دام نقرا ما كتبنا على ( الشات )
نجمع ورق واجد يفوق الملايين = لكن كل اللي نلمه ورق ( زات )
عند العدد يمكن نغطي على الصين = وعند الفعل نفخر بما سوا الأموات
بعد المساجد عندنا صارت اثنين = والثالث اللي ما يقيم الصلاوات
نبكي عليه وجالنا حول سبعين = وهو الصلة بين البشر والسماوات
منه سرى المبعوث خير النبيين = بعد ما صلى فيه بأهل الرسالات
وأسباب نكبتنا ونكبة فلسطين = أهل المطامع مدعين الفخامات
راحوا على شان الرياسة فريقين = قالوا حماسات ومعاها فتوحات
و اليوم حال اللي على الأرض حيين = ناس(ن) ما تعرف : هاك . تعرف فقط . هات
وحنا بمدح الذات دايم كريمين = و نغضب ولكن كلبوها دعايات
و نقول للمحتاج تبشر و جايين = وحنا حقيقة من ذوي الاحتياجات
على الخريطة من بعضنا قريبين = وأفكارنا وقلوبنا أفوات و أشتات
قلت النصر قالوا لنا قاب قاب قوسين = أقواس لكن بينهن فراغااااااات
كنت أحسب إن النصر مع مطلع ألفين = وألفين جا وبشارة النصر ما جات[/poem]


[align=center]واعذروووووووووووووني

فلاح بن مرشد الزراقي
،،،،،،،،،،،،،،،،،،،،،،،،،[/align]