فالح المصعوك

,

/
\

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قم يانديبي على اللي ماورد ندّه=حتى وكالات (ناسا) ماتجينا به
خبير برلين يومنّه وصل حدّه=وقدام فكره يشتّ وتفلت اعصابه
انهى تصاميم حلمٍ جاه من مدّه=وعلى الخرايط وهو مقفي رمى كابه
وفي مصنعه واقفٍ يشرف على شدّه=من صبّ شاصه لماطوره ليا صطابه
وبعد انتهى صدّرته المانيا جدّه=وعلى وكيله تعهّد نطق وكتابه
ماورّده من وكالة (بنز) للكدّه=موردّه لجل يشرح صدر ركابه
اليا انتهض تقْل شيهانٍ نوى الهدّه=فرخ ووحش وانتهض من فوق مرقابه
خذ ماكتبته على بيض الورق ودّه=رجْلٍ يحسّب حسابي واحسب حسابه
قاسي مهامز بوقت اللين والشّدّه=عن مقصده لو يشوف الموت ماهابه
اليا ارتكى لو على صمّ الصفا هدّه=باسه قوي سعد عين اللي تعزوابه
يوم المزاحم وضدّ الضدّ من ضدّه=عدو عيني هذاك اليوم يبلى به
له في القدايم شدادٍ من على جدّه=يوم المواقف بذاك اليوم غصّابه
تلقاه في بيت جودٍ كلٍ يعدّه=في مجلسه مرتكي والنار شبّابه
في جالها لااستوى زرع اليمن مدّه=فنجال كيفٍ يداوي راس شرّابه
الحمل ماكلّ رجالٍ يجي قدّه=بعض الرياجيل دوبه ينقل ثيابه
اشكي على فالح المصعوك وابدّه=من جرحي اللي لجى بالصدر واسبابه
اسباب جرحي حبيب اغليه واودّه=منّي خذا القلب يافالح وقفّى به
اقفى وانا اقفيت عنه وطالت المدّه=وانحى بي الوقت عنْه وعنّي انحى به
لو صد والله لاالحق صدّته صدّه=مير البلا اللي مصيب منيف قد صابه
اتلى العهد فيه يوم اشرّ لي بيدّه=ودموع عينه يافالح تغرق اهدابه
العين في غير زوله ماتبا اللدّه=لو قيل برْق العبي فالعين تتشابه
لاتقول بابٍ يجي منْه الهوا سدّه=حاولت اسدّه مرار ولاانقفل بابه
ان كان طوّل فراقه لارحم عدّه=فمنيف انشهد شهاده راح من ماابه[/poem]

شرفني بها الشاعر القدير / منيف مفرح العطياني
,

/
\

....جاري انشاء الرد ( عسى الله يعين ويساعد ) !

:

(استغفر الله العظيم واتوب اليه)

:


rayath.al_ezz@hotmail.com