منتديات المرقاب الأدبية - عرض مشاركة واحدة

19-12-2008, 07:28 PM

المشاركة الأصلية كتبت بواسطة وصل العطياني

[align=center]السلام علاكم

كلّ عام وأنتم بخير ...

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ملابس العيد يوم العيد مطلوبة=غترة وثوبٍ جديد وبشت وعقالي
فالمشهد اللي يروحون العرب صوبه=تسمع لهم مع صلاة الصبح ولوالي
كلٍ تلبّس وجاك يمسـّس جنوبه=مشتال سبحة ونظارة وجوالي
ما غير موضات والموضات مرغوبة= والاّ الحقايق تراها عكس الأشكالي
لو كلّ واحد تعابيره على ثوبه=تشوف لك شيء ما يخطر على البالي
كمْ ناس تلبس ثياب العيد مقلوبة=تعبير عن ما نعيشه وقتنا الحالي
ما عاد للعيد فرحة عندنا نوبة = ما عاد له فرحة الاّ عند الأطفالي
الناس صارت تجي للعيد مغصوبة=ولا يعايدك غير الصاحب الغالي
عايدك ثم حكّ عرقوبه بعرقوبه=سلام وإلى اللقا فالمشهد التالي
صرنا ما نعرف بعَضْنا يالله التوبة=ما أعرف ولد عمّي الاّ من ولد خالي
ورفيقي اللي يجيني نافخ ذروبه=آخذ سنة كاملة ما سال عن حالي
من حقـّه أعايده وأعطيه ماجوبه=ومن حقـّي أوادعه وأنساه طوّالي
والله لولا صلاة العيد مكتوبة=لتصير من بين ربعك كنــّك الجالي
ليش المحبـّة من القاموس مشطوبة= ليش التباغض وليش القيل والقالي
الطـِّيب مرضان والرُّفقة في غيبوبة=ما خلّت أجيال أبويه شيّ لأجيالي
وإن صار جيلي هذا ممشاه وأسلوبه=لا والله العلم كيف أوصِّي عيالي
العاقل الفاهم اللي يعرف دروبه=يشوف ما شفت ويصادق على أقوالي
واللي يحسْب إنّ ثوبه يستر عيوبه=يقول عيدك مبارك ويتحلوالي
لكنّ عيديـّته ماهي بمحسوبة=عيديّة اللي ضميره بالرّدى كالي
اللي يعيّد برفقة شبه مسلوبة=أحسن يعيّد على هندي وبنقالي
واللّي يعيّد بدون يشوف محبوبه=كنــّـه معيّد لحاله فالخلا الخالي[/poem]

تحيااااااااااتي[/align]

وصل العطياني

صح لسانك واعتلا شانك

لله درك والله لايضرك وهذا الواقع المرير

تقبل تحياتي ومروري يا مبدع