عبدالرزاق الذيابي

.
.


من فتره مرّيت السوق

قلت اتقضّى واشرب قهوه

موكا..ومعها كابتشينو

فيْ السوق اللي عند الكُبري

شارع حِرا ياشباب





داخل مع بوابه 5

لابس جينز آخر موديل

اللي إسمه (شارلي ستون)

ولابس نظّاره كاريرا

وفوق الصلعه لابس كاب




اللي يناظرني يحسبني!

أمريكي ولاّ متأمرك

ويقدّرني ويعظّمني

ويحيّيني ويبجّلني

فعلاً يابخت الأغراب




دخلت المَحَلّ الأوّل

راقي خمس إنجوم أنتيكا

قابلني بائع لبناني

قال: اهلاً عيني شو بَدََّك؟

يا ألله كتّر لحباب




اخذت إشويَّة اغراض

والسعر المكتوب يخوّف

اشّرت بكم اللي خذته

ماقدّرني ..قدَّر لبسي

قال: إدفع لي نصّ إحساب



وبعده دخلت اللي بعدو

محل راقي للستّات

وياني عانيت إمن الزحمه

زحمه فوق اللحمه لحمه

غير البرقع والنِقاب



من شافوني صارت ربكه

وإختبصو من لبسي, شكلي

واغلبهم جا يقرب منّي

ومن بعيد اسمع لي همسه

وش هالمزيون الجذاب؟




ناظرت إيميني وإيساري

قلت الفكّه من هالعالم

وطلعت بحاله ميئوسه

من كثر الزحمه والحوسه

وصارت هوشه عند الباب




في آخر لحظه في السوق


طبعاً في المَحَلّ العاشر


مرّيت اتفشخر واتباهى


عرفني واحد جَدّاوي


قال:




مو أمريكي كذااااااب




وياهي فعلاً صارت قصّه

ذاك المثل فعلاً طُبِّق

(اللي مايشري يتفرّج)

وماكنّي الاّ مسوّي بلوى

ومُحدِث في العالم خراب



وفي دربي وآنا منحاش


مرّيت المحل الأول


ماجيته..ماشي من جنبه


قال المحروس اللبناني:














هات الباقي يانصاااااب

رَبِّ ابْنِ لِي عِنْدَكَ بَيْتاً فِي الْجَنَّه


mergab-gold21@hotmail.com