|
أذكريني : للرائع / ناصر مناحي
[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=1 line=0 align=center use=ex num="0,black"]
ما برد عزمي ولا غيّر لهيب الحب لوني =دام لي قلبٍ من عروق الوفا يسقي وريده
والهوى حظ ونصيب ودمعتي عذرا جفوني= وللجفون سلوم والدمعه تخاف من النقيده
ليه يا من تتقنين الدور في مسرح عيوني= ما حسبتي غيبة اللي لا نوى الغيبه .؟ فقيده
وليه لا عزّمت ابنسى من على الدنيا نسوني = ما ذكرت الا انتي وجرحٍ مساحاته عديده
ليت عذرك عن وفاك وغلطتك يمحي شجوني = وليت لي قلبٍ بدون احساس واحكامه شديده
كنت اظنك ما تعيشين العمر لحظه بدوني = واثر ما للظن غير اللوم ولحون القصيده
اذكريني .. كل ما فاضت عيونك وإفقدوني = وكلّ ما دمعك نشد خدك وقال .. شصار بإيده
واذكريني .. لا غزا البرد الضلوع وما لقوني = ولا جبرك الوقت في ممشاه واطباعك عنيده
واذكريني .. كل ما جاتك من العالم لحوني= عقب ما كنتي من لساني تعرفين الجديده
واذكريني .. كل ما احتجتي تخونيني .! وخوني = في غيابي .. كل ذكرى بيننا كانت سعيده
والا انا لا من ذكرتك .. ما ذكرت الا طعوني = فالزمان اللي تجمّعنا به الله لا يعيده
ما ربحت الا جفاك وما خسرت الا جنوني = ولا بعد هذا سوى النسيان و الفرقا الاكيده
سامح الله غلطة احساسي قبل غلطة عيوني = وسامح الله هاجسي في ما هدا لك من رصيده
لو ظنوني يوم واحد تشعر بخيبة ظنوني = ما يصير الحزن سيد الصدر وافراحي عبيده
سمّح الله درب كلّ اللي على الضيقه حدوني = لين صرت اواجه الايام في بسمه وحيده[/poem]
|