[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
الشـوق ولهان لك يا سيـّد الخود = حتى المشـاعر تعلـّق فيك املها
امّا بتحيــا معاك العمر ، في زود = ولا بصـدك تكون اللي قتــلها
ارقد بصـدري ، وخل ضنونك السـود = شوف النوايا تبرت من خجلها
لو تدري بقيمتك يا ليـّن العود = ما كان عقب الوفا ، تسمـع جهلها !
هزك نسيم الجفا عنقود . . عنقود = لكن جذور المحبه ، ما وصلها
مدري بتاخذك مني نسمـة النود = ولا ترد المشـاعر صوب اهلها
البارحه في وجيـه النـّاس مفقود = والقلب ما فيه ذكرى ما ختــلها
يسأل علـيك الطيوف ، ومابه ردود = تريـّح اللي عن احبابه ، سألها ؟ !
يا حيـلة الصمت ، صدق الصمت محمود . . = لكن تعبنا ، نبي حيـلة بدلها
ابسألك ما شبعت غيــاب وصدود ؟! = روحك على البعد ، مدري من جبلها
في عينك الليل ، سافر ماله حدود = وفي وجنتك جمرة ٍ ما تحتملها
وفي عاتقك بارق ، وفي صدري رعود = وجدايلك ذايع الغربي نســلها
قسيت ! ، ما للمحبه بالقسا فود = بالعكس قسوتك تسعى في فشلها
عوّد مدام الامــل فالوصل موجود = ما ضيــّع العاشقين الا زعلها[/poem]