:
:
هذا نص (( أستثنائي )) جديد .. للشاعر :
فيصل السواط
أليكم ..
باقة زهور
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مرّه وانا ماشـي وادوّر للأمـل نقطـة عبـور= والعب بقلبي في جديل الليـل واشـوف النهـار
واهيم في سيد العـذارى والرسايـل والعطـور=وكيلة الحسن الطبيعي فـي زمـان الإحتكـار
وامسح كباير شرهة الغيّاب في دقن الحضـور=واحمّي ادلال الوصـل علـى لهيـب الإنتظـار
قابلت لي رجّال شايـب جـرّب الدنيـا دهـور=قلت انشده والفايده تجي مـن النـاس الكبـار
ياعم عطني من تجارب رحلتـك باقـة زهـور=قدّام لا يمضي علـي العمر..ويفـوت القطـار
قال اسمع الله لا يهينك وانت ما حولك قصـور=لكنّ عيبك تخنـق العبرات..وتعيـش بحصـار
ودّك يبيّن في وجيه الناس ما تخفـي الصـدور=وتُفرض عليـك الإنعزاليـه بـروح الإنكسـار
إمّا تحمّل مايجيك امن البشـر وابقـى صبـور=ولاّ تحمّـل مايعقّبـه الغـضـب والإنفـجـار
وان طعتني خلّي علاقاتك مـع العالـم تـدور=حول الحديث اللـي مراده(لاضـرر ولاضـرار)
أي لاقريـب ولا بعيـد ولا خفيـف ولا فتـور=وتشوف لك عند العرب هيبه وتقديـر ووقـار
واسعى لتعزيز الثقه..واحذر مخاليـب الغـرور=والإحتـرام الإحتـرام يليّـن قلـوب الحجـار
وإعلم وانا عمّك ترى سرّ السعـاده والسـرور=اذا عرفـت ان الحكايـه كلها..جنـه ونــار
يانار كبرى..فآخـر المشوار..ياجنّـات حـور=وانت الوحيد اللي فقط مسؤول عن صنع القرار
يارب عفوك ياكريم ورحمتـك يـوم النشـور=ساعة يفوز اهل اليمين..ويخسرون اهل اليسار
أمّا الأمور اللي تعلّمنا علـى بعـض الأمـور=خذها من اللي لفّ فالدنيـا علـى رجلـه ودار
الجهل آفه للعقل..والعلـم نـورٍ فـوق نـور=والدين رشفة سلسبيل يعين وقـت الإحتضـار
والصبر مفتاح الفرج..والحقد مدعـاة النفـور=والصدق منجاه..وحبال الكذب للكـاذب قصـار
والظلم يثبـت إن الارض تدور..والدنيـا تثـور=والشاهد اقرا فـي هـدب صـدّام ذلّ الإنهيـار
ولو كان مال الظلم ردّة فعل..وعـروقٍ تفـور=ماكانت اسرائيل تبنـي حـول دولتهـا جـدار
والعشق حالة إندفاع مخزّنـه فـي اللاشعـور=بين الهزيمه فالعزيمـه.. والرجـا فالانتصـار
والفقر فالنفس الذليله..والغنى غنـى الشعـور=والبخـل لعيـون الإهانه..والكـرم للإفتخـار
وامن اصغر خيام البدو ..لين اكبر كبار القصو=رمايملـي عيـون البنـادم غيـر ذرات الغبـار
والمرجله حظ النقيّ العاقـل القـرم الجسـو=روالسرج ما يركب على ظهر ال!!!! ابـن ال!!!!
والمشيخه ماهي عشـا ولاّ غـدا ولاّ فطـو=رحملٍ على كاهل هل المعروف وطـوال العمـار
والمنصب اللي ما يخلّي في بني عمـك فخـور=ماكنّـه الا شجـرةٍ خضـرا ولا منهـا ثمـار
هذي علوم الشايب اللي ما لقى ..نقطة عبـور=في عالم يغنّي(كـلام الليـل يمحـوه النهـار)
واللي يبا الشايب يروّح له معه باقـة زهـور=الدور الاول..عنبر احدعشر..في مستشفى شهار
[/poem]
|