والله إني أراها أقلّ من المواهب ..

لأن كل المتواجدين بهذا القسم من النخبه

لكن أقبلوها ..للمشاركه ليس إلاّ

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
طال الغياب وصوت مرسال الغلا مامن مجيب=للّي دماره من ظنون الوصل لاسباب الغياب
لوسقت ظنّي فيك يظلم درب ..ويضيق الرحيب =لكن على بيض النوايا جيت كافيك الجواب
حبّك غريب الدار..والتوقيت ..وإحساسه غريب=وأنا غريب يعدّي الأحباب شرهات العتاب
غريب مالي في حياتي لاقريب..ولا حبيب=باعوني الاحباب ..والاقراب سنولي حراب
ماأظنّي أول من عطاه الوقت طعنه من قريب=ولاني أوّل من تجرّع بالهوى مر العذاب
ولاني أوّل من هقاهقوه ..وهقواته تخيب =ولاني أوّل من حفت رجله ورى طرد السراب
مع إنّي أوّل من صنع من ذاته لذاته رقيب =لاجله حياتي مرجحه بين التصابي.. والصواب
وأنا أدري إن الادمي بعد الخطا لازم يصيب =هابيل مادلّه على درب الصواب إلاّالغراب
هذا أنا تمشي بي الدنيا على حظ ونصيب=ولاّالحياه أغلا مكاسبها يجي تحت التراب
واللي كسبته في حياتي عين حرّ..وقلب ذيب =وإن كان ماأنت بذيب لاترقامراقيب الذياب
[/poem]

عشرين عام ..وماتغيّر ولاشي!
نفس الرسوم اللي على باب دارهـ
حتى شبابيكـ التلاقي كما هي!
النقش ..وألوان الحشب ..والستارهـ
معقول ياقلبي قديم الهوى حي!
بشّر ..وأخذ مني كبير البشارهـ