[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
زهـم القبيلـه واجتمـاع القبيـلـه=أنا اعتقد ماهو على اللعب والضحـك
زهـم القبيلـه فالحـمـول الثقيـلـه=يالفاهم اللي تنتخـي فـي مصالحـك
مانيـب أخـص افـلان والا زميلـه=لكن أنـا يالمستمـع ودي أنصحـك
بـرامـجٍ تبتـزّنـا كــل ليـلـه=أمـا اهجـدت فالليـل ولا تصبحّـك
تكسب من الجمهور باهـون وسيلـه=أهم شـي إنْهـا تحـوّش مرابحـك
وتستدرج الشاعر من أجل الفصيلـه=وتقول تصويتك هـو اللـي ينجحـك
وتضغط على الشاعـر ويظهر حثيلـه=وحدّث بدون إحراج عن ماترى واحك
وتــجمّعـوا ربعــه وكــلٍ وحيـلـه=وكلٍ يمـر القـدر ويقـول ابملحـك
يالله علـيـك المشتـكـا والعقيـلـه=الله يعـوض الربـع والله يسامحـك
ياطامـعٍ سيلـه غـدا عـن مسيلـه=تصيح كنّك بـاركٍ وسـط مذبحـك
غيـرك رجـالٍ يونسـون المليـلـه=أرداهم اللـي بالتراحيـب ينطحـك
مسجّنيـن وحملهـم مــن يشيـلـه=لاصارت فلـوس القبيلـه ترشحـك
هـذا الصحيـح اللـي ثبـاتٍ دليـله=من دون ماأذمك ومن دون ماأمدحـك
الحـرب يعبالـه سيـوفٍ صقيـلـه=والسلم راحه وأنـت ربـي مريحـك
والشعـر تعـرف قيمتـه وتْحليـلـه=لاكـن تلعب بـه عسـى الله يصلحـك
لا قمـت توميبـه علـى كـل زيلـه=وتزهم وتنخى فالقبيله على الضحـك [/poem]


اقسم بالله انها من أروع ما قرأت


موضوع هادف وسبك وحبك وشاعريه فذه للغايه


هنا شاعر كبير بلاشك

( محسن الدوسري )

سجل اعجابي وتقديري واسمح لي بالتنسيق طال عمرك