منتديات المرقاب الأدبية - عرض مشاركة واحدة

#1 31-12-2008, 01:23 AM

بدون مقدمات

.
.
.

كما هي ...

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
غيّر ترى خاطري مشحون = ونفسي من الوقت مبليه
ساكت وأنا ضايق ومغبون = ونيران همي ثعت فيه
أخاف من جرحي المدفون = وبلش بكيه ورى كيه
من كثر ما داري المكنون = فقدت معنى الحساسيه
وشعري مثل وضعنا مرهون = تحت البنود السياسيه
كل يوم له شكل ٍ وله لون = ما بين هاذي وهاذيه
آراء في قالب ٍ موزون = ومحكوم وزن ٍ وقافيّه
لا من بغيته بساعه دون = ما أشعر يجيني على النيّه
وصف فكري وجر إلحون = مسحوب ولا هجينيه
أكشف وعبر عن المضمون = بأفكار حره وشخصيه
مانيب مع شاعر المليون = ولا نيب يم الهواويه
نادت فلسطين ما توحون = يأهل الشيّم والعروبيّه
تطلب وترجي نمد العون = والنار في جوفها حيّه
دمر وقتل بها الصهيون = وفالجوّ غارات جويّه
كبيرهم فالسجن مسجون = والشاب يذبح بلا ديّه
والعرض فيها مهو مصيون = مفضوح كله علانيّه
والوضع من دون ٍ وفي دون = في يدْ عيال الحراميّه
وحنا نسنْ بند ٍ وقانون = داخل قممنا العربيّه
سد العروبه مهو مامون = مكشوف عند اليهوديّه
والسالفه حدها مسنون = فالقلب وأحداثها حيّه
يا علّ ما تنتهي في هون = وناخذ بثار العروبيّه[/poem]

وسلامتكم ...