نـادى المـنـادي واتبـعـوه الملبـيـن
وصاحـو بصـوت اللـي تفجَّـر ضميـره
بيـن القبـور بصـوت واحـد منـاديـن
الـصـوت عـالـي والمقـابـر كثـيـره
وحاطـو بقبـر ٍفـيـه للـعـز توطـيـن
وللنصـر والامـجـاد شمـسـه مُنـيـره
ونـادوَه: يارمـز الفخـر يـوم حطـيـن
تكفـى تقوم..إجـبـر قـلـوب ٍكسـيـره
قم(ياصـلاح الديـن) يانـاصـر الـديـن
شف كيـف حـال القـدس بعـدك مريـره
تنخى صـلاح الديـن وتقول:هـو ويـن?!
يشوف كيـف اصبحـت عقبـه اسيـره!!
قـم ياصـلاح الديـن وتشـوف بالعـيـن
حـال العـرب فـي كـل دولـه وديــره
وقل ويش رايك في الوضع!..(ذِلّ؟!)..دارين
عــار ٍعليـنـا بالعـلـن والـسـريـره
وقـل للعـرب ســؤال واحد..وبعـديـن؟
إلـى متـى والقـدس هــاذا مصـيـره؟
وقل للعـرب لـن كـان للقـدس ناسيـن!
لــه رب مايـنـسـاه والله نـصـيـره
وقـل للعـرب فيكـم مَـثـل للمساكـيـن
(عيـن ٍ تشـوف إبعيـد واليَـدْ قصيـره)
وقـل للعـرب مـادام بالوضـع راضيـن
عيشـو بـذل وسيفكـم فــي جفـيـره
وقـل للعـرب أيـام وإشهـور وإسنـيـن
وانتـم تـرون القـدس واهلـه حشـيـره
وقـل للـعـرب لازال مــن عــام 50
تَحَت(وعَـد بلـفـور) نــاره سعـيـره
وقـل للعـرب بكره,وبـعـده, وذلحـيـن
أحوالهـا ســاءت وصــارت خطـيـره
وقـل للعـرب تفَرّجـو فــي فلسطـيـن
وشوفـو شبـاب القـدس محـد ٍ يجيـره
اقرو,وشوفو,واسـمـعـو للمُـذيـعـيـن
وابكـو عليهـا فـي (قـنـاة الجـزيـره)
ابـكـو عـلـى اوَّل قبـلـةٍ للمصلـيـن
المسجـد اللـي للنـبـي فـيـه سـيـره
فـي القـدس صلّـى بالرسُـل والنبيـيـن
فـي (ليلـة المعـراج) ليـلـه شهـيـره
وابكوعلـى اللـي مـات مالـه معَـزّيِـن
وابكـو مصـاب ٍ طايـح ٍ فـي سـريـره
وابكـو علـى الأطفـال مــادام باكـيـن
اللـي تمـوت بحـقـد نــار الذخـيـره
وابكـو علـى عَـرض البنـات المزاييـن
المُغتَصَـب عـنـد الوجـيـه الحقـيـره
وابكـو علـى حـال الشيـوخ المسنّـيـن
حـدب الظهـور اهـل الوجيـه السفيـره
وابكو على اللـي فـي المعاقـل مساجيـن
إذنوبـهـم وشهـي؟وويـش الجـريـره؟
وابكـو علـى غَـزَّه واهَلهـا وجينـيـن
ورَفَــح ورام الله وكـــل العـشـيـره
واقــول انـا..مـادام بـالـذل غافـيـن
فعـلاً غفينـا لـيـن صــارت كبـيـره
يابـنـت لاتبكـيـن لاعــاد تبـكـيـن
وش عـاد لوتبكيـن وانـتـي صغـيـره؟
امـــك يـنـاهـز عـمـرهـا الآن 70
وهـي بيـن ذل وخـوف طفلـه غريـره
وياطفـل لاتبكـي وتـرسـم علىالطـيـن
ابـوك مـات... ومـات جـدك وغـيـره
نشـوف مايحصـل ونسمـع وعاصـيـن
عـن نصركم..والكسـر مـالـه جبـيـره
واختامهـا نـاديـت ظـمـن المنـاديـن
وانخـى وانـادي كـل مـن فيـه غيـره
ياسامعين الصـوت هـل مـن مُجيبيـن؟!!
ولـن ماسمعنـا الحيّ..مـن نستجيـره!!
قـم ياصـلاح الديـن حَــرّر فلسطـيـن
دام الـعـرب فيـهـم تـخـاذل وحـيـره
الله الله الله الله
عبدالرزاق الذيابي
صح لسانك وبيض الله وجهك
حروف مع مرور السنين لن تمحى من الذاكره لأنها كتبت بصدق مشاعر
والله يرحم الحال
تحياتي ومتابعتي
|