اخواني واخواتي اعضاء منتداء المرقاب

السلام عليكم ورحمه الله وبركاته
اقدم لكم هذه المتواضعه وامل ان تنال استحسانكم
وهي المشاركه الاولى لي في هذا الصرح الشامخ

[align=center]ساعه سراء من ليلتـي ثلثيـن واضنـه يزيـد
الساعه الـي همـوم قلبـي منفتـح صندوقهـا

ساعه ذكرت المبسم الي يستر اللـؤل النضيـد
وخـد بلونـه مثـل شمـس باديـه بشروقهـا

وليل الجدايل لاتجـلا وانكشـف صبـح جديـد
ما كنـه الا يـوم تكشـف فالسحـاب بروقهـا

الساعه الي ضيقت صـدري عساهـا ماتعيـد
ودموع عيني من بعدهـا مـا تفـارق موقهـا

ما كنه الا دمع عود(ن) في ضحى اليوم الشديـد
عود(ن) رضى ما يقسمـه رزاقهـا لمرزوقهـا

ابـو يتامـا مالهـم غيـر الولـي ثـم العويـد
من دونهم يشري المنيـه لـو تغالـوا سوقهـا

معه شهيانه قوتهم من صيدها لـو هـو زهيـد
صيـد معيـش هاليتامـا لاتـفـك شدوقـهـا

قنص بها الشايب وشاف الصيد وارهى انه يصيد
وكشف لها صقارهـا وارخـى وفـك سبوقهـا

يوم اعتلت من فوقهن ثم اطلعـت طلـع بعيـد
خيل عليهم عجتن اثـر القشـر فـي حقوقهـا

واومى بملواحه ولاكن للأسـف مـن دون فيـد
اقفت عليهـا العجـه الـي مـا تبـل حلوقهـا

وجلس على اركبه وعنز من على البيداء بالأيـد
عينه تفيـض بدمعهـا وكبـده تزيـد حروقهـا

ذا وجد حالي في غيابك لـوان وجـدي مايفيـد
يوم الليالي في غيابـك ابطـت تفتـل عوقهـا

علقتني برجوا الامل ومصـارع الحـظ العنيـد
ولا عاد عندي صبر امشيهـا واخيـط فتوقهـا

انا اشهد ان الصبر مر والهجر سيف من حديـد
اليـا بطـش يفنـي محانيهـا علـى معلوقهـا

وان كان ودك بالصراحه وزبده الهـرج الاكيـد
كبدي من صدودك وهجرانـك يبـاس عروقهـا

انـا دخيلـك مـده غيابـك علـيـه لاتـزيـد
ولا ايقن اني صرت تحت الارض ماني فوقهـا[/align]