فالح المصعوك

تضخّـم الأمـوال عنـد المجانيـن
يزيد مـن فقـر العقـول المنيـره
من باب حفظ الشّعر فالمنزل الزيـن
ومورثنا اللي ما لقـا مـن يجيـره
الشيـخ لا جاكـم يكـبّ الملاييـن
تغانموهـا يـا الوجيـه السفيـره
على يـا لالـه لال غنـوّا بقافيـن
والشعر فايـض والقوافـي كثيـره
هـذا زمـان الدندنـه والمغنّـيـن
برعايـة اللـي كثّـر الله خـيـره
رزّوا عليه مـن المدايـح نياشيـن
وقولوا طويل العمر مافيـه غيـره
هذا الزعيم اللـي يحـرر فلسطيـن
راع السيوف الساطيـات الشطيـره
راسه قويّ الباس والنـاس داريـن
يابس بلايل ميـر مدهـون سيـره
أركوا عليه الكذب .. والصدق بعدين
إليا قضيتـوا كـل رجـل وضميـره
أهم حاجه لا أثمرت شجـرة التيـن
اللي ما طال الغصن يلعـن شويـره
حطوّا لكم فوق الكراسـي مواميـن
وتربعّـوا والطاولـه مستـديـره !
لجنة على الشاعر تسـنّ القوانيـن
وقانونهـا خلـف الستايـر تديـره
وجمهور صوّت لي من يسار ويمين
له وفقـة ٍ عنـد اللـوازم كبيـره
الشّعر يرثا له .. وحنّـا مساكيـن
للبهرجـه كـلّ ٍ يدرهـم بعـيـره
ننقز على الدنيا .. ونزحف عن الدين
وندوّر المحضور في كـل ّ ديـره !


طبعاً الدكتور / سدااح

:

(استغفر الله العظيم واتوب اليه)

:


rayath.al_ezz@hotmail.com