[align=center]
قال اعذب الشّعر قلت اصدق من اصدق شقاي
لو مـا نِقلـه الفضـاء ولا جذبـه الاثيـر
اتعبني اسقيـه فكـر ولا اجنـي الا ضمـاي
واليا انشدونـي يعـوّد سـرّ والصّـدر بيـر
احتاج له في بعـض همّـي ونقلـة خُطـاي
واليا بغيت اقلعـه منّـي حفـرت الضميـر
مانيب معطيه وجهي ,,, لاجل اميّـز جفـاي
وانقاد لـه قبـل يسحبنـي بسلـك الحريـر
ما احفظْه حفظ الكتاب ولا ارسمَه في سماي
ينبـت ولا يذبـل الا فـي عيـون الضريـر
مالي سوى مأربٍ واحـد بمسكـة عصـاي
افصل بها بين حلمـي وانكسـاري واسيـر
لكنْ مادامـك جعلتـه مطلبـك فـي لقـاي
احبس دموعك وجبهـا فـي لقـاك الاخيـر
ياصاحبـي لا تظـنّ الحـزن نغمـات نـاي
شويّ تنزل على غصـن الشّعـور وتطيـر
الحزن شيٍٍّ عجـزت ارمـي حضـوره وراي
طالت معـه وقفتـي ولا بـدا لـه خشيـر
اغربه فقد الصداقـه فـي نفـوس اصدقـاي
واقساه ما ينكتب فـي بيـت شعـرٍِ قصيـر
لا تزعل ان قلت لك بدري ... لا تبحث خفاي
اخذ الطّليق مـن احاسيسـي وخـلّ الاسيـر
لكنّ خلّ السوالـف مـن طموحـك وجـاي
القاف فـي حضـرة الـورد يتفـس عبيـر
يمكن يجي يوم والقى فـي حديثـك عـزاي
وآقـول لا زالـت الدنيـا بوصلـك بخـيـر
وقـدّام تكبـر بعينـي ليـن تملـك غـلاي
احـذّرك لا تطيـح ان صـرت بُكـره كبيـر
ما صار لـي قـدره أوقّـف بقمّـة عنـاي
واطيّر اسمـا الاحبـه فـي هبـوب الزّفيـر
كـم لـي وهـذي مقاديـري وهـذا وفـاي
وكم غاليٍ قلت ليتـه طـاح يومـه صغيـر
ابو راكان ..
لله درّكـ
لله درّكـ
أمتعتني شعرررررر
وارويت ذائقتي
يامبدع ..
صح لساانك
واعتلى شانك
دمت بخير
وفي رعاية الله ....
***************[/align]
|