|
الشِعر حآسوه ورعآنه وخبلآنه !
[align=center]السلآم عليكم ورحمة الله وبركآته ..
إسمحولي أطرح بين أيآديكم هذه المتوآضعه لعلها تلقى طريقهآ للوصول إلى قلوبكم ..
صلو علىآ النبـي ..
الدآنـه ..[/align]
[poem=font="simplified Arabic,6,black,bold,normal" Bkcolor="transparent" Bkimage="" Border="none,4,gray" Type=2 Line=1 Align=center Use=ex Num="0,black"]
الشاعر اللي ينومـس روس شيبانـه=يطمر على بيــرق الإبـدآع ويبوقـه
والشاعر اللـي تهابـد فيـه كرعانـه=يركب على موتـره للبيـت ويسوقـه
واللي بيوتـه مـن الاخـلاق عريانـه=ودك تصكـه علـى وجهـه بـ(طابوقـه)
واللي قصيـده مثبـت فيـه سيسانـه=تسلم يمينـه وصـح الله منطوووقـه
والشعـر للشاعـر اخلاقـه وعنوانـه=يحفظ مقامـه ويحفـظ عنـده حقوقـه
والناس ماتستوي فـي بـدع قيفانـه=تكرمه لحيه وعشرين الـف محلوقـه
ما كٍل من غاص بحر الشعر (حمدااانه)=ولا (ولد زايـد) اللـي حاكـمٍ طوقـه
مهما تحلق طيـور الجـوّ باشجااانـه=تبقى نجـوم السمـا ماهـي بملحوقـه
هذا كـلام العقـل لا رجـح ميزااانـه=مستنصره بالضميـر الحـي وعروقـه
ياساحة الشعر كبـدي حيـل ضميانـه=وعروق كبدي من الاحـداث محروقـه
اتابـع الشعـر واحداثـه وميـدانـه=واشوف الاوضاع منكوبـه ومخنوقـه
الشعـر حاسـوه ورعانـه وخبلانـه=وتشابهـت فيـه سراقـه ومسروقـه
كلنٍ يغنـي حسـب موجـات وديانـه=وحسب النظام اللذي يمشي على ذوقـه
احـدنٍ يغنيـه مـن قلبـه وشريانـه=ويجـر موالهـا مـن وسـط معلوقـه
واحدٍ كتبها مجـرد يرضـي اعوانـه=ومطفوق هايط علينا لجـل مطفووقـه
والنقـد مسلوبـه احكامـه وميزااانـه=والعدل والصدق بين النـاس مبيوقـه
يالجنـة الشعـر والتحكيـم واعيااانـه=من ينصف الشاعر اللي لاحت بروووقه
اللي فرد فضته عن صـوغ مرجااانـه=وسرد من الفكر فكره حيل مرموووقـه
والكلمه اللي تجي فـي اخـر (الدانـه)=كلمة ضميرٍ يخاف حساب مـن فوقـه
الله يعز الشعر فـي ظـل (حمدااانـه)=وفي ظل (ابو خالد) اللي صان طاروقه
ذولا خوال الشعـر وعيـال عمااانـه=ومناصرينـه وحكـامـه ومعشـوقـه
[/poem]
[align=center]وسلآمتكم / أخوكم بدر ال شافي ![/align]
نويت هجرك قبل تنوي بهجرآن=وصليت لفرآقك صلآة إستخآره
إن بعتني مآني بضآيق وزعلآن=أبعتبرها منك أحلى بشآره
قد مآت حبك وإبتدي عمري الآن=أبني حضاره فوق مآضي حضآره
مبنى غرامك لو بقى وآقف أزمآن=لابد في يومن يبين إنهيآره !!
|