[align=center]


يامل قلب ٍ عليل وكايد ٍ طبه
اقول مرتاح لو ماني بمرتاحي


لو اقدر اكب نظم الشعر لكبّه
لو تومي الموميه مااومي بمسباحي

وشلون ابالقى طريق ٍ عنه اجنبّه
في ساعة الامتحان وساعة أفراحي



الشعر هوجاس فيض وغيض يكتبّه
لولا قليّل عرب قلت الشعر راحي



اعاف من ساحته مجبور واحبّه
واشعار شعار ياليحان يالاحي

ثلج وغثاء علج هرج ونار مشتبه
شوك النقيع وثمر مشمش وتفاحي

العيد ماعاد يعرف غير من غبّه
الذيب فالصاح والادباش فالصاحي



لو صاح راع الغنم ماعرضه لبّه
ماتفزعه صيحة الراعي ولو صاحي



اللي هدم قبه وعوّد بناء قبه
واللي بناء له هرم مير الهرم طاحي



ياللي تقول الغليّم يصلحه ربه
(يصبح ولد مثل ابن طمحي وطماحي )




ان عاش تمساح والا عاش قرطبّه
لاخير يذكر بقرطبّه وتمساحي



قالوا تزحزح ياراع البشت والجبّه
قالوا تزحزح وعيّا يزحف ارزاحي



وش تمركم يااهل الوديان وش ربِّه
اللي ذهب في يدا سارق ومزاحي



ياللي تطب الوحل تبحل وتنشبّه
حافظ على راس مالك خل الارباحي



السوق تجاره اللي فيه منكبه
بيع ونفاق وشرى تدليس واشفاحي



هذا وانا اللي مزاد الرخص مااطبّه
لاعين شافت جماهير ولا إذن تاحي




لشفت راس يزوم ولا انطحن حبه
قلت انطح الضلع يابو قرن نطاحي





يكفيني اسمع (جناب الود ) واطربّه
اشعار دكتور شعر النظم سداحي[/align]