[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كذاب منهو قال للصعب رجال = يا ريم هذا الوقت مابه رجاجيل
أطيبهم اللي يلبس شماغ وعقال = وياكل لحوم الناس حش وتعاليل
وابركهم اللي ينقل العلم باجلال = لاجل النميمه ما يهز الفناجيل
معربن بالجد من عمن وخال = ولو تلبسه خلخال زان الخلاخيل !
وينه زمان المرجله عنهم زال ! = وينه زمان الباسلين الحلاحيل
وجدي عليهم وجد من تلبس الشال = ماتوا اهلها غبن ثم ذاقت الويل
او وجد عودن ضامه الوقت بعيال = ابرّهم يرميه في سكرة الليل
والا انت ياللي لك بهالقلب منزال = معذور \ لو جفت عيون المناديل
معذور لو درب العنا لخافقي طال = معذور لوكبّلت الأحلام تكبيل
جريت لك من خاطر الضيق موال = واشتقت لك واشعلت شوقي قناديل
وغفيت بك بين الاماني والآمال = وأبحرت بك قدام يهديني سهيل
وابعدت بك عن هرجة القيل والقال = ماودي يلحقك الاذى والبهاذيل
واثرك تدور للأحاديث نقال = اللي يبهّر دلتك بالاقاويل
ياربنا يامبدل الحال من حال = يامنزلٍ طه والأنفال والفيل
رفعت يدي لك يا واحدن عال = و نثرت لك بالليل دمعي هماليل
اعوذ بك يارب من كل محتال = والوذ بك من شر وقت التهاويل ![/poem]
|