ليلـة العاشـق اللّـي ماتمنّاهـا:
ضيقه .. وشوق .. ودْموعٍ حياويّه
إيتذكّـر حياتـه واوّل إصبـاهـا
يوم عاده يعيـش احـلام ورديّـه
ايتمـنّـى ولاجـاتـه ولاجـاهـا
منوةٍ فالضلـوع الحـدب مكنيّـه
وإن طرتْه الرومنسيّه .؟ وطرّاهـا
يسري اللّيـل كلّـه فالرومنسيّـه
لـو يفتّـح ملفّـاتـه ويقـراهـا
بيـن هاذيّـه , وذيّـه , وهاذيّـه
يقْلب اوراقها وايطـوّف أسماهـا
كلّها تنفتـح ., وتـروح مطويّـه
أنت ياصاحبـي .. ملفّـك أولاهـا
وقفتـي عنـد ذكْـرك لاإراديّــه
قـدْرك بنـون عينـي ماتعدّاهـا
كمّ مرّه يطيح .! وعينـي إمعيّـه
المشاعر من اوّلها الـى اتلاهـا
سقتها في غرامك سـوق جاهيّـه
كيف لا وأنت ابوها .! وأنت مرباها
وأنت ملـح العلاقـات الغراميّـه
الفرايد علـى مرسـاك مرساهـا
فيك منهـا وفيهـا منْـك ماريّـه
ليلةٍ يصـدق وْصالـك بمسراهـا
لوثمنها العمر .؟ لرْضاك مسريّـه
المحبّه .. معاك ألّـذ وأشهاهـا:
لحظـةٍ معْـك لوكانـت خياليّـه
اعتبرها حياتك .! موووت وإحياها
لايموت الوصل , وقلوبنا حيّـه .!
الله لا يضرّك على هالفاتنه
والله العظيم ان ما في الكلام فود يا بو محمد حيّك وحيّ الحضور اللي ينعش الروح
قصيده فوق الوصف والتعليق من اولها الى آخرها
صح لسانك مدد وسلمت
اعجابي ومحبتي
|