.
.
.
عايض النفيعي \ خالد الحصين
طاحـت الأهـداف ماكنّـي مـن البنـدق رمـيـت
يا صبر صبري .. علـى بعـض الحظـوظ المايلـه
ليـت مـا تنفعنـي بحاجـه وانـا لوقلـت لـيـت
ما درى عن (ليـت) .. جـرحٍ فالضمايـر شايلـه
فوق نجد .. وفوق مجد .. وتحت وجد .. وتحت صيت
كـم طموحـات وعــزومٍ .. للتسـاقـط آيـلـه
ماسريـت امـن السعوديّـه وصبـحـت الكـويـت
الا انا داري وعـارف زيـن .. وش مسـراي لـه
لا تذكّرنـي ب. معطـان الظوامـي فـوق هـيـت
السمـا مرهـي كفوفـه .. والصحـاري سايـلـه
عين ريم .. وعين قرد .. وعين ورد .. وعين زيت
جمّعـوهـا كلبـوهـا لـيـن تصـبـح عايـلـه
( بالمتـر ) نبنـي ونهـدم فالمبانـي ( كمبليـت )
والعذر معروف .. حتى اعلـى النوايـف .. زايلـه!
.
.
.
|