الشاعر المبدع .. مشعل فالح الذيابي
والله انها كلها نقد ذهب
حكمة وقول ثمين وسبك شاعر مبدع بحق
ونصفها الثاني حمل الخلاصة المهمه جدا
والقى العمر شمسه خذت لون الذهب
تكوي عزومي كي في صـدر وقفـا
الله ياوقـت الونـاسـة والـطـرب
وناس ٍ لهم قلبي من الناس اصطفـى
ناس ٍ لهم صدري دواويـن ومشـب
وجمر الغلا لعيونهم مـا قـد طفـا
لهم قضيت العمر نبع ٍ مـا نضـب
وظل المقيـظ وفالشفاشيـف الدفـا
روح ٍ تجود بروحها وقـت الطلـب
وقلب ٍ من الايثار مـا يـوم اكتفـى
واثر العمر بذر ٍ بذرته فـي مهـب
وديم الوفا يسبل على صبخـا الجفـا
كل ٍ طعنـي فالظهـر ثـم انسحـب
وطعون من تغليـه مـا منهـا شفـا
اللوم يلحـق كـل طيـب ياعـرب
والا الردي لا شـق شـق ولا رفـا
يلقى الـردي دايـم لهفواتـه سبـب
ويبـرر الهفـوات لا منـه هـفـا
واللي لمنقود النشامـى مـا حسـب
وكلمة نعم عنـده مثـل كلمـة افـا
ما اعبره واعقد له حجاجي غضـب
لو رحب بشوفـي وهـلا واحتفـى
ولولا العشم ما سقت مظهور العتب
لاهل الوفا من خافـق ٍ يامـا عفـا
لله درك
وزادك الله من فضله
اعجاب بالبنط العريض
وصح لسانك مليون ،،
..
|