|
بكره تعرفون الذهب والنحاسي
الاعزاء في المرقاب
يسعدني ان اطرح بين ايديكم هذه القصيده وكلي امل ان تحوز على الاستحسان
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه يوم الطواري طرت لي = واحترت فيها وأشغلت فكر راسي
حولت في قفرٍ فجوجه خلت لي = وبديت مبدا الذيب فوق الرواسي
اجاوب اعواي الذياب ان عوت لي = بقافٍ عن الخاطر يزيل العماسي
بعد القريحه بالقصيد استوت لي = حولتها للشعر والوضع قاسي
والشعر فني فيه نقظي وفتلي = وعلى القصايد لي بصمة سياسي
ابعد مداها كان بالكيف جت لي = مانيب مثل امطولين الحساسي
واشرح واعبر عن ظروفت جرت لي = ماني عن الاحداث غافل وناسي
واشكي على الله من ليالٍ مضت لي = يالله تجنبني طريق العكاسي
اشوف لي ناساً تحاول بختلي = وامن الحسد صاب السلوك ألتماسي
يبغون قتلي مار ياصعب قتلي = يصعب على الحزبين فتح وحماسي
انا ليا من الدواعي دعت لي = آقف على ساقي ما اطيح امتواسي
والطلقه اللي بالخفا وجهت لي = ماحركت ظفري ولا شعر راسي
ياقوم لي من الليال امهلت لي = بكره تعرفون الذهب والنحاسي
انا التجارب بالزمن حللت لي = اعطتني امع الوقت منهج دراسي
والعالم اللي بالوجيه اضحكت لي = وخلفي تدير الطاوله والكراسي
اليوم من فضل الاله اوضحت لي = لاهنت ياراسي ولاهان ساسي[/poem]
وسلامتكم جميعاً
الشعر ماتخفى عليه ركايزه = شاعر ولو ما اخذت بالشعر جايزه
والشعر ياجمهور ماهو مسابقه = وشعار مهزومه وشعار فايزه
يقول زيد الحثل باحدى قصايده = مشي القطر وسط الطريق امتجايزه
واقول انا مثله بعد في مثايله = تقرا الصور بالعكس ويقال جايزه
هذا زمن يغلب على الجد مزحته = يمكن يهد الضلع من جاه هايزه
|