.
.
نَصٌّ كُتِبَ ذات ربيعٍ إحتضنتهُ العاصمه
والرياض,وقحويانه والخزامى والنفل
وريح شيِحِه
وروضة خريمِه وتنهاته مع نجومه
تسامى
والسما وَدّانَها كمبود صافي, والمعَتَّق
طاب ريحِه
كلّ ليل البارحه! نبض قلبي بارحِه
سرمدي.. واليوم:
[poem= font="Simplified Arabic,6,green,normal,normal" bkcolor="transparent" bkimage="backgrounds/15.gif" border="outset,6,gray" type=2 line=0 align=center use=ex num="0,black"]
اليوم شمس البلد! خَجلَى ومغتاضه=من حسن جوّ الرياض وكل ماحوله
واليوم! رايع وانا لايمكن اعتاضه=كسبت فيه: المطر, والزين,..والتَولَه
ياهاجس الشعر, ياطرياه,واَعراضه=هَبَّت على خاطري..واخْذَت لها جوله
وتمكّنَت من جبال الفكر,وإفياضه=إستحوذَت له وصارت عَنْه مسئولَه
وتمخّضت عَن غَزيرِه,واجمل اغراضه=وبحر الشعر! جبت ياقوته مَعا لوله
أعرف شِتائه..كَذلِك عارفٍ قاضِه=واقراه,واقرا عَنه,واهواه,وآقوله
وآصخّره لاجل منهو هاجسي هاضه=هيَّض شجوني بحكيِه,هيَبته,طوله
جاني,وجيته بشوقٍ بان مركاضه=في ساعةٍ كانت الاحزان مقتوله
وتفَتَّق إحساس خفّاقي بعد خاضه=برموش عينه,وبخدوده,ومعسوله
عالَج بوصله جروح القلب,وامراضه=وحَرَّك شرايين كانت شبه مشلوله
كريم..لو يبتعد ويطوِّل إعراضه!=ومهما ظروفه قسَن! لابُدّ مايَولَه
إليا تذكَّر عدود الشوق وإحياضه=ومنه المعاليق معلوله ومذهوله!
يجي ويَارد بنزعة شوق فيّاضه=ويروي خفوقه,..وقلبٍ ذاب من هوَله
أهواه؟!:كلمه خياليه وفَضفاضَه=لكنّي اهواه.. صدقيَّه,ومعقوله
ويْارْياض صرتي رياضي,واجمل إرياضِه=إثنيننا لاحدٍ حولي ولا حولِه
جاني باحاسيس ورديّه,وفيّاضه=وروَّح وخلّى لي الاشواق والتولَه[/poem]
.
.
|