.
.
يا آدمي حـس ! مـا جيتـك تسمعنـي
الليـل بـرد وقصيـدك مـا يدفيـنـي
تراجف اَعضاي ... صوت الريح يوجعني
وأحـس شيٍّ تغلغـل فـي شرايينـي
أحـس فـي خطوتـي يمـك تنازعنـي
كيف اختصـار المسافـة بينـك وبينـي
خذنـي لصدرك ... وشتتـنـي وجمعـنـي
ادخـل متاهـات صـدري واِحتـرق فينـي
ضيـع أنـت فينـي وأبـي منّّـك تضيعنـي
فـي غابـةٍ تحتـرق فيـهـا عناويـنـي !
خذ ما بدا لك ... حلالك ! ... لا تراجعنـي
بعـض الطلـب ينهـي اللـذة وينهيـنـي !
هات ... انفجر شوق , إزعل وارجع اصفعني
سو شي ... أي شـي ... إلا إنـك تخلينـي
أنت الوحيـد الـذي بالحيـل جوّعنـي
بالحيل ... بالحيل ... لين ارتجت سنيني
وش يمنعك دام مابه ... شـي يمنعنـي
ينده لك ... الجمر ... والنفنوف ... وايديني
أرجـوك فـي طبـع غيـري لا تطبعنـي
مانـي مـلاك الطهـارة ... لا تبرينـي !
غلطـان كانـك عـن الـزلـة مرفّعـنـي
النار في داخلي ... من بعـض تكوينـي !
إيـه اشتهيتـك ! وصمتـي مـو بنافعنـي
لو ألزم الصمت ... تفضح حاجتي , عيني !
للريـح قـط الـورق , للنـار واتبعـنـي
أمّا أنت ميّت معـي , ولاّ أنـت محيينـي
فهد عافت
.
.
|