النيره

[align=center]اليوم .. يامخيّل البراق
المزن ماجاتك اعسوسه ؟

ودّي بسجّ القدم والساق
فأرض ٍ من العشب / مغروسه !

لو كان ما املك غنم ونياق
قلبي طراته / وناموسه !

ايوسّع الخاطر اليا ضاق
وينسى همومه / وهاجوسه !

مع طيّب الأصل والأخلاق
قرْم ٍ له العلم / ويروسه !

ماهو بخبل ٍ رديّ اعماق
أبني له الراي / ويحوسه !

ايكدّر الخاطر أليا راق
واليا زعل بانت / اضروسه !

ولاهو بـللمرجله عشاق
لابوه / لو كثرت افلوسه !

ماعنده الاّ ردى وانفاق
ودايم نواياه / مدسوسه !

مالاق ممشاً معه مالاق
( تمْره / وفي وسْطها سوسه )

اقول / وآنا ( ولد زراق )
صحيح الأيام معكوسه !

وأقرب مثل / في هذا ينساق !
لو بعض الامثال ملموسه !

(امسلّم ٍ دقنه الحلاق
يصبر عليه وعلى موسه ) !






المبدع \\ محمد بن رشيد

صح لسانك لين ترضى


اعجابي ومتابعتي[/align]