|
عطني زاااايد
[align=center]
في هالزمن ما عاد به شي يعني
معناه .. يمكن عكسه يكون معناه !
يعني يجوز الجاني يكون مجني
عليه .. لا من صار له سلطه وجاه
وإن كان واحد قال في يوم : عطني
قصده هو بيعطيك ما لا تمناه !!
الضد صار الضد .. والهدم يبني
واللي سمعك ليا سمع قال لك هااااه !!
قناعتك ماهيب تسمن وتغني
والجمر يحرق رجل ماهيب تاطاه
مبادئك تنهيك !! .. شف كيف يجني
اللي بلى مبدأ ولا راي ينهاه
وش يرفع الفاعل سوى فعل مبني
على الجهل.. والعاقل بحكمته تاه
يا هو زمن ما عاد به شي يعني
معناه .. شف عكسه ! وتلقاه معناه
شفني أخاف إن قال احد يوم : عطني
زايد .. واقول الله يخفف عطاياه [/align]
|