سعود ناهض الرويس

على نار المسافه يحترق صبري شوي شوي
وبين الجمر والشعله تموت وتدفن احلامي
يغيب النوم ويحل الظلام وينجلي بالضي
وانا احرث بالورق واسقيه دمع العين واقلامي
عسى ينبت على صحراه من ذكرى عذابي شي
عزا جيلٍ وراي ولي عزا في جيل قدامي
قريت بقصة المجنون قلت العامريه هي
وانا المجنون واول خطوه الليله من اعدامي
عساي افدى العيون اللي هدبها للمحاجر في
انا وظلال صبرٍ في ركونه ذابت اعوامي
اعيش بلا حياة بهجرها واموت وانا حي
بنفحة عطرها وبهمسها وبلطفها الزامي
وتعيش بخافقي حوريةٍ بين الثمر والمي
تبختر به وتعبث كثر ماتعبث بي اوهامي
انا الغلطان انا اللي ماتنظف من خطاي ايدي
سبب غلطة حياتي ليه اعلقها على أيامي
وابرر موقفي وادين عثرات النصيب السي
لروحي وانتظر للمغفره من جرحي الدامي
بروح اطوي مسافات الزمان اللي طواني طي
واصارع غربتي واواصل الرحله وانا ضامي
مدام عدود .. لو .. ويالعل.. وليت.. ماتروي
رضيت بماكتب ربي وهذي بصمة ابهامي


ضاوي العصيمي

شاعر كبير وتستحق المتابعه

صح لسانك واعتلا شانك ولاهنت

وتقبل تحياتي ومروري ياااامبدع