(( الإبتـزاز !!! ))
[align=center]بسم الله ,,,
00000
000
0[/align]
[poem=font="Simplified Arabic,6,black,bold,normal" bkcolor="transparent" bkimage="" border="double,4,gray" type=2 line=1 align=center use=ex num="0,black"]
يارب سترك من قضايا الإبتزاز = ومن علةٍ ماينشرب مشروبها
اتْجيز شيٍّ فالشريعة مايجاز = وبْها البلا من راسها لْعرقوبها
أوّل بدايتها علاقه بِاحْتراز = وَاتْلى الليالي ينكشف ملعوبها
وياكم فتاةٍ خِلّها بالحب فاز = وِاتْخَطّبَتْ له لو مهو مخطوبها
وغرّر بها وِمْن الجهل تبغى النِّجاز = وقامت تراسل بالصور محبوبها
ومن عقب ماهو للهوى المسموم حاز = وصارت تشوفه في جميع دروبها
يبدا مسلسله الدني بالإنتهاز = وِيفَرِّغِ امْن المال كل جيوبها
ويخدش حياها مثل تخديش القزاز= ويكبر بخدشه اثمها وذنوبها
وهذي مصيبة تهدم بيوتٍ عزاز = وِتْزوِّد الكربة على مكروبها
أكبر على العاقل من جبال الحجاز = وامضى من حدادٍ صخاف جنوبها
يكفيك صاب المجمتع منها اهتزاز = والناس تبغض نهجها واسلوبها
اقولها والحق ماعنه انحياز = بعد القضية ماانكشف محجوبها
وامسى خطرها نار والمحظور قاز = رغم اختلاف انسابها وشعوبها
والشعر دوره مِحْوَريّ الارتكاز = وله طاقةٍ ماينخفض منسوبها
وان كان مامثلت دوره بامتياز = وش عذر نفسي لاتركت ماجوبها
وقولوا لمن حطّت صورها بالجهاز = جوالها المحمول أو حاسوبها
تَحْذر قبل تاقع بحبل الإبتزاز = وتشرب ذحاح السم من مشروبها[/poem]
|