السلام عليكم

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تعالوا احكي لكم عن ذكريات الوداع = قصه حزينه كتبها الوقت في دفتري
ابطالها طفل هايم بالعيون الوساع = كبر وحاله من الاشواق مبري بري
وطفله ثنيه وبعد سنين صارت رباع = احلامها شامخه والعظم عظم ٍ طري
قالت اعاهدك وان طال الزمن باجتماع= على الوفا وانت عاهدني وخلك جري
وعاهدتها عهد يشرى بالعمر مايباع = وتم العهد مانبيع وكلنا نشتري
ودارت رحا الوقت والدنيا وصل وانقطاع = وماغيرها في حشا جوفي وفي خاطري
وبديت اصارع زماني واجتهد بالصراع = ولاجات عشرين عام الا وانا عسكري
اجمّع المهر وابذل غاية المستطاع = واللي يدّور رظا الغالين وشـــ يحتري
واصارع الوجد واللهفات والالتياع= ومن وين ماروح اشوف الطيف قدم انظري
فجأه ... وجاني خبر طاحت وطاح القناع = العهد الاول قديم وصار ماينقري
لقت لها خل ...واللي راح فيها شجاع = استبدلت قلب شاعر قلب رجلٍ ثري
نهاية السالفه حسره وقصة ضياع = حسبي على الحب لوّعني وجاب اخبري[/poem]وسلامتكم

لحظه ..دقيقه..ساعه..ايام..وشهور=يمكن سنه..اويمكن العمر كله