السلام عليكم ورحمة الله وبركاته
اسمحوا لهذه المتواضه بالمرور




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ليل يا ليل عندي لا تدوّر قصيد = اعتزلت المساري والورق والقلم
وجهك أسود معا غيري وباسك شديد = ووجهك أبيض معي بإسلوبك المحترم
أنت سيّد هجوس ولأنت ساعي بريد = كرّ بشتك وجبها بإعتماد وختم
لو هجوسي على ما أحب وابغى وأريد = فالنهار الجهار الشعر ما ينّظم
عندي إن القصيد اللي يفصّ الحديد = كان تشرق عليه الشمس ماله طعم
يبست حلوق ورق ٍ فوق خضر الجريد = ما تهيّضت منهن جعلهن بالوهم
زال ما أسهرتني ياليل ما تستفيد = لا تبلا ّ قريحة شاعر ٍ ما سلم
القريحه على ساق وقدم ما تهيد = والبلاوي على ركبه .. وساق .. وقدم
خل شلفا ذياب..وخل سيف ابو زيد = دون عظمي سنين الحد يشبع لحم
البلا عقدة ٍ في راس حبل الوريد = ضايقت قلب ما هو قلب هدّاج دم !
كل ما قلت أبزهد فالزمان الزهيد = يثقل إلساني وينبت بوسطه عظم
وقتنا كل يوم يجيب علم ٍ جديد = يا زمان التعاجيب .. وياعلم الندم
رحت مالي يديني جيت صفر الرصيد = ما تحسّفت لو ماكل بيضا شحم
ينزل الما ويصفا عقب نسف الرديد = ( والغثا ) ما يجيبه غير سيل ٍ عرم
ماني ابلايم اللي قال منت برشيد = يتبع البوصله وآنا دليلة نجم
ما عليّه يلو اضربّها كل حيد = دامها في طلاقة وجه ليه احتدم
لو تضايقت وابديت الزعل ماش فيد = كلّها فرحه ولا فيه فرحه تتم
خطوتي ما تعلّم فيّ ، ما فيّ قيد = وقيدي مطوّله من عقب فرك الخشم
رزق عند البشر لا شك والعلم أكيد = كنّه التمر عند اللي يمصّ العجم
يا مدوّر ( نعم ) قريب والاّ بعيد = نعم بالله هو اللي يستحق النعم
دام ساس العلاقه معْه ساس ٍ جويد = صك باب الأمل عن شاحذين الهمم
اعتقد بإن فوق الأرض ماني وحيد = ولاني إلحالي اللي خالقه من عدم
ربّي الله وآنا عبد بين العبيد = عبد بين العبيد.. ولي قسم منقسم
شفت دار الفنا ما تشغل الاّ بليد = فانيه كلّها وآمورها ما تهم
وش بيكتب رقيب .. ووش بيكتب عتيد ؟= ذا هو اللي عليّه بالحرام المهم [/poem]




وسلامتكم