السلام عليكم ورحمة الله وبركاته
وبعد
اسفل احدى قصائدي علق الشاعر المبدع الكبير
مشعان البراق ببعض الابيات مداعبا وناصحا لي
اضعها بين ايديكم مع ردي الذي اتمنى ان يرتقي لذوقه وذوقكم
والشكر لكم مقدما

الشاعر/ مشعان البراق

[poem=font="Simplified Arabic,6,white,bold,normal" bkcolor="transparent" bkimage="backgrounds/28.gif" border="groove,4,gray" type=2 line=0 align=center use=ex num="0,black"]
الحب : فطره .. والمبادي وراثه=
= وراعي المحبة عايش ٍ في كلايف
ولا الله بـ كاتب له من الحب اغاثه =
=بعد النواعس .. وارتعاش الشفايف
قصا يده تحييّ معالم تراثه =
=وتصبح هدايا العاشقين الولايف
ويلحق اثنين ٍ قبل عصر الحداثة =
= راحوا ضحايا .. زاهيات الوصايف
واليا أنشدوني من هذولي الثلاثة ؟=
= قلت الملوّح والد جيما ونايف[/poem]

رد الشاعر / نايف العليان


[poem=font="Simplified Arabic,6,crimson,bold,normal" bkcolor="transparent" bkimage="backgrounds/23.gif" border="groove,4,darkred" type=2 line=0 align=center use=ex num="0,black"]
من ضغط هجس القافية واكتراثه=
=قامت تجاذبني ضلوع ٍ نحايف
حتى تساقى مع شعوري نفاثه=
=واستقعد الخاطر لحلو الطرايف
بيوت مافيها جنوح ورثاثه=
=مفعولها مضمون والبيت كايف
ياصاحبي عرقي قديم اجتثاثه=
=أخوك مبطي للعذارىمهايف
الله من جرح ٍ عظيم انبعاثه=
=جرح ٍ منه يا واسع العرف خايف
ماهمني جرح ٍ صدر من خباثه =
=ولابكيت اللي من القرب عايف
ابكي على حلو النبا و الدماثه=
=اللي لعب فيني مثل مانت شايف[/poem]