[align=center]أسعد الله أوقاتكم بكل خير

أستمحيكم عذرا ً .. أن أعرض لكم أحدى القصائد التي أحفظها عن ظهر قلب

وأتمنى أن تعجبكم






[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
إن كان تنشد عن علومي وأنا صبيّ = أبتذكرها وأعلمك عنها
لو هي بصفحات ٍ طواها الزمن طيّ=جرّة مطر جاها عجاج ودفنها
العب طواريق الهوى مع هل الغيّ=أثقل المعنى وأخفف لحنها
والشعر يبقى في قلوب العرب حيّ=ولا كل من جاب القصيده تكنها
وأنا حداها حدي الأصعاب بعصيّ=وأقودها قود الأديب برسنها
والحب مردوده على صاحبه سيّ=كم ضحكة ٍ ونات قلبي ثمنها
أذكر سنة تسعه وتسعين هجريّ=الف وثلاثميه بداية زمنها
زلّت بي الأقدام للشمس من فيّ= أقدار والأقدار تامر وتنهى
غافل وجتني من كوت خافقي كيّ=كيّة عطب لولا طبيب ٍ مكنها
أبعدت مضربها عن الصدر بيديّ=ولدّت على كبدي برمح ٍ طعنها
وعرفت ما تخفيه في صدرها ليّ=من واقع النظرات مني ومنها
نظرت فيها مثل نظرات فيّ= وعجزت أقاومها وصديت عنها
كل البني ظلمه وهي بينهن ضيّ=غطّت شعاع الشمس شعّة بدنها
من الذهب تلبس خلاخيل وحليّ=سود ٍ محاجرها وحمر ٍ وجنها
مدري تسمّى من؟ ومنين؟ ومن أيّ؟=وش هي قبيلتها؟ وموقع سكنها؟
راحت وأنا مدري عن أخباري شيّ= الا رموز الموتر اللي حظنها
مدينة ٍ من بين أبو ظبي ودبيّ= ياعلها كان أنها هي وطنها
تمطر عليها السحب هذي ورا ذيّ= وديم ٍ الا قفى تراها ودنها [/poem]




وسلامتكم



للشاعر الكبير / عبدالله بن زويبن الحربي [/align]







.