ياسلاااااااام ياسلااااااااام
عبدالله مقبل
عز الله كلااام صحييح ميه بالميه ... لله درّك يامبدع
تغيـرت كـل المفاهيـم وبـدا عصـرٍ جديـد
سلّم على العـادات وسلـوم الرجـال الاولات
عبيدنا سادات والسـادات فـي حكـم العبيـد
والعولمه ساوت مطاليق العيـال مـع البنـات
واللي منول مايفيد أصبح من أصحاب الرصيـد
لوكان مالـه فـي سجـل الطيبيـن مقدمـات
وقتٍ يـذل الشهـم ويعـز المنافـق والبليـد
عاشت به انصاف الرجال اللي يديهم قاصـرات
مانحسد المخلـوق والخـلاق يفعـل مايريـد
وإيماننـا راسـخ بـأن الباقيـات الصالحـات
الناس في دنيا الفنـا بيـن الاقامـه والشديـد
واللي مقيم اليـوم عينـه للسنيـن القادمـات
اما قضى عمره شقي والاّ قضى عمـره سعيـد
واما كسب قولة نعم يصبر على كثر الشمـات
والعاقل المدرك من أحـداث الليالـي يستفيـد
ياخذ من الدنيـا عبـر مادرستهـا الجامعـات
ياهيه لا تركـض ورا الشهـره بعلـم مايفيـد
تضحك لك الجهال وتضيـق محاريـف الثقـات
خلك على منهج رجال الطيب لو تبقـى وحيـد
ماهو بشرط يصير عندك معجبيـن ومعجبـات
الله الله الله الله الله
نعم نعم كلااااااااااااااااام .. القصيده أكثر من رائعه بيّض الله وجهك ..
صح الله لسانك وتقبّل أعجابي .
|