[align=center]اخواني

مرتادي هذا الصرح الشامخ

اليكم هذه المتواضعه بعد هذا الغياب

راجيا ان تنال اعجابكم[/align]


[poem=font="Simplified Arabic,5,black,normal,normal" bkcolor="transparent" bkimage="backgrounds/6.gif" border="none,4,gray" type=0 line=0 align=center use=ex num="0,black"]
ياضايق الصدر لك عندي علاج جديد=لاضاق صدرك يساعد فانشراح الصدر
أقفايتك عن قبال اللي مقفاه عيد=ارفع جنابك لفوق وخل قدره حدر
والمجلس اللي لياجيت أله ماتستفيد=ان جيت مالك قدر وان رحت مالك قدر
منتب عليه محدي لو كان تجلس وحيد=جلستك وحدك عن الانذال ليله قدر
كم صاحبا ضحكته وقت الرخا ماتكيد=والا ياشانت الايام وجهن ودر
جعلك اليا كان حطيته خوي ماتفيد=حلال قومن اليا منه رغى ماهدر
عليك باللي ليا كادك زمانك بكيد=والحظ الاقشر مع الايام قام وغدر
يشفيك في وقفته واليا وقف مايحيد=اليا ورد قبل تقضي حاجتك ماصدر
هذاك والله رصيد اللي ماعنده رصيد=من لايخاوي سواته راح عمره هدر[/poem]