يغرنا الشيطان نلعب في الهجوم
== واحنا نقاط الضعف تكمن في الدفاع
لو ما الستر يستر على بعض العلوم
===== بانت على ثوب الزلل كثر الرقاع
نحسب حياة اللهو والمتعه تدوم
======= ونعد طول العمر والدنيا متاع
من ظلمنا ما نكسي العاري هدوم
======== ولا نحس بلوعة بطون الجياع
يغشى ملامحنا التكدر والوجوم
======= اذا الفقارى مرة باتوا شباع
نسفك دماء الناس دون ادنى لزوم
===== وننهش جلود اخواننا مثل السباع
نقتل نشرد ننتهك نشري نسوم
====== ونعرض اعراض الخلايق للضياع
ننهب نرابي نرتشي نعتب نلوم
====== نشعل فتيل العنصريه والصراع
نقطع صلات الرحم ونشب الخصوم
===== نكذب نثير اقوى المشاكل والنزاع
نعتاد خلع جلودنا في كل يوم
===== حسب المصالح نحترف لبس القناع
نفتن ننافق نمتهن حب الخشوم
======= نقضي حوايجنا على هذي الطباع
وليا اصبحت زلاتنا كبر الرجوم
======= لي رحمتك يارب وابوابك وساع
يارب ترزقنا شرف حج وصوم
======= وامر امتثال وانقياد وانصياع
يارب والمسلم لا ساقته العزوم
========== للتوبه اثر لنحنى والاتباع
اكبر شرف يجنيه هالعبد الظلوم
==== تمريغ وجهه في تراب اطهر بقاع
ناصر الحارثى
والله قويه
وشاعرها قوى
كلها رائعه
بس طريقتنا الهجوميه
هى اللي خلتنا ناخذ ثمانيه امام العالم
كلامك درر ياهداج
تقبل كل الاعجاب من :
عامر عمار
|