اللبيب يشوف في وقته الشي العجيـب
والليالي تـدرج والبـلا فـي جشهـا
بوهتنا مانعرف الصحيب من الحريـب
العصى كلن ليا اقبـل عليـك يهشهـا
والقلوب اللي من اول مثل لون الحليب
العدواه فوقهـا اليـوم تبنـي عشهـا
والسبب كله من الواشي الوجه الغضيب
يوم منشاره عروض العبـاد يحشهـا
نافخن علباه والذيب في بطـن القليـب
والزريه فـي كمـوم الثيـاب يمشهـا
ياهلا والله ياابو سند في محلك
ياخوي والله انك متجملنا فينا يوم خليتنا نتابع قصيدك
في المرقاب
وصح لسانك على هالمجاراة الجزله
ولاشك انني من جماهيرك
|