السلام عليكم ورحمة الله وبركاته


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مسيت بالخير ياسعدون حماد = استاذنك شعري اللي فيك اهله
الشعر بحر الشعور وفكري عتاد = وانا فمدحك شربت البحر كله
كتبت فيك القصيد اللي لك انقاد =وصفيت شيحه ونويره وفله
يامنهل ٍ يروي الضامي ويزداد = ياسعد من حط مثلك منهل ٍ له
من جودك الجود يحقر جود الاجواد =ومن طيبك الطيب غيّر لك محله
سكن بصدرك وحط بصدرك بلاد = وكونت فالطيب دوله مستقله
ومن قو عزمك بنيت لمجدك عماد = واسمك كتبته على روس الاهله
لاطرو اسمك قفاه النعم منقاد =مخاشر اسمك وصاير مثل ظله
كنت احسب النعم جد ٍ لك من اجداد = خلّو من الطيب دقه لجل جله
من روس برقا وبرقا ضدت اضداد = ماحظه بزين من برقا عدا ً له
طالبك ياللي لزرع الطيب حصاد = في لازم ٍ ماحد ٍ غيرك هل ٍ له
راسي خوي وانت معك لراسي قناد = فنجال فزعه عقب فنجال دله
لي حاجة ٍ في سنعها العزم مافاد =هذا وانا اللي بذلت العزم كله
ان جابها الله ؟ كبيت التوجاد =ابحمد الله على ماجابه الله
وان عوكست ؟ لدّها الله يابن حماد =ابعذرك واحمد الله واطلب الله [/poem]


وصح لساني

..



..



.