منتديات المرقاب الأدبية - عرض مشاركة واحدة - تواقيع الاعضاء -( 23 )-

#1 25-02-2009, 10:44 AM

لي صاحبٍ وافـي وخـوّان
من كم عام اكرهه واغليـه
خوي عمر وحفيـد حصـان
اشكي منه واشتكي واشكيه
عوضني الحـزن والكتمـان
واحتاج له دايم ومـا ابيـه
ملعون خيّر بـدون لسـان
يحرق خفوقي وانا احرق فيه
وصّلنـي لحالـة الإدمـان
وادمنت مُـرّه قبـل حاليـه
يسهر معي يوم انا سهـران
والنوم ماارتاح مـن تاليـه
ويقـدّم السـم فالقـطـران
وادري عنه وآخذه واعطيـه
واشب في راسـه النيـران
ويقـول ياصاحبـي لبـيـه
فرقـاه ماهـوب فالامكـان
ووصالـه يـزوّد التنبـيـه
وان غاب روّحـت للدكـان
لو فآخر الليل لجل اشريـه
الله يلعـنـك يـاالـدخـان
ازريـت لا اتـوب واخليـه

فيصل / السواط