|
شرهة جروحي ...
صبحكم الله بالخير
اعتذر عن الغياب
وهذه متواضعه اتمنى لها القبول
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يكبر سكوتـي لاتصاغـرت بوحـي=وتهزني ذكـرى الوصـل لا طرالـي
ما فاد دمع الشوق شرهة جروحـي=ولاجاوبـت عبـرة غيابـك سؤالـي
علقتني .. واغتلت نشـوة طموحـي=بيـن الغيـاب وضيقتـي وانعزالـي
عفت الغموض وجيت شاري وضوحي=يمكـن يقدينـي فـسـود الليـالـي
وابعدت عن شـط الامانـي نزوحـي=ليـن اقتنعـت بغربتـي وارتحالـي
ما فادت احزاني .. ولا فـاد نوحـي=على الجفا اللي من غرامـك بقالـي
قربت لك قلبي .. وبعـدت شوحـي=الجرح غالي وانـت طاريـك غالـي
يا سيدي واللي بقى مـن صروحـي=جرحين من نزفـي وكثـر انفعالـي
رضيت بجروحك .. وضايقت روحـي=خـل الجـروح لخافقـي لا تبـالـي
مدري متى بتحس فيني وتوحـي .؟=يا سلوة الخاطر ..ويـا راس مالـي
وارجع واراجـع ذكرياتـي بروحـي=واقول سالي لـو مـا نيـب سالـي
ويصغر سكوتي لا تكابـرت بوحـي=واشفق على ذاك الوصـل لا طرالـي
[/poem]
وسلامتك,,
طموحات عمري مالها حد وقياس= رضا النفس غايه والعزوم الوسيله
الابداع ( حاله ) لو توّزع على الناس=ماشفت العقول الطيبه والذليله
يجاذب خيالي حزن ويروح هوجاس=وذي حالتي في كل يومٍ وليله
ضعيف العزايم ماقوى الضيم والباس=وقوي العزايم لا بغى تستويله
أحمد العبدلي
|