[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما اضعفك واهزلك ياعود الثمامه =لو رُويِ عرقك وسرّ العين لونك
ياقليل الفود ياكبر الملامه=نعنبو ذا العين يامرخي متونك
تحسبنك من سعاطير الزعامه=غرروبك ثم قامو يشعبونك
مادرينا عن لحونك ياحمامه =يوم غنيتي وبينتي شجونك
يوم جات البيضه اللي من نعامه=وارعدت لكن ماجادت مزونك
يوم بعض الناس مايحفظ كلامه=يوم ربعك في المجالس ينقدونك
تحسب انك فزت في حرب الرغامه=والمراجل تنثني وتموت دونك
وانت حافي لابعير ولامسامه=ممتطي خبث النوايا من ضنونك
منت كفوٍ للبعير ولاخطامه=والعرب من يوم تِقبل يعرفونك
لاحياة لمن تنادي لاشهامه=وين عقالك يجون ويحفضونك
ياعظيم الجاه يارب السلامه= طالبك يامنجي اللي يرتجونك[/poem]