متواضعه لـ طلب غالي .. اتمنى ان تنال على شيء من رضاكم

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما للجروح .. الا يد الجارح البار=اللي يبر بـ / جرح قلبي و يدميه
سخره لي ربي وانا مااقدر اختار=حطه سبب للجرح .. يجرح ويبريه
ماهو غشيم الحب ويدينه قصار=دامه جرح بيديه !! فـ / الطب بيديه
يا جرحي المزمن ويا دمعي الحار=تقاسموا قدم العباد المشاريه
واللي يمل !! يبادل اخوه الادوار=لا تطمعون .. اصلآ بقى شي نرجيه !!
اجمع شتاتي .. واصمل شوي وانهار=مات الامل ,, لكن عاشت مباديه
لاضاق صدري / ما ملا عيني ديار=عند العرب حاضر ولا كأني بـ / فيه
بيني وبين الضحك يا كثر الاسوار=سور الحزن .. يآسي على طول قافيه
امشي ورا الافكار .. يا بعد الافكار=امشي ولا انشد على وين او ليه
والحزن .. كل شوي في دربنا مار=يلقي تحياته / وحنا نحييه
راح العمر .. والحظ رايح لـ / مشوار=ادوره لكن ماني بـ / لاقيه[/poem]