السلام عليكم ورحمة الله وبركاته000

صبحكم الله بالخير جميع

اتشرف باإنضمامي الى هذا الصرح العظيم واتمنى اني استفيد في المقام الاول وافيد,

واشكر اخوي ضيف الله الغنامي على جهوده اللي بذلها وتفضله بـ تسجيلي هنا ,

وان شاء الله اكون عند حسن الظن

هذي مصافحه اولى اتمنى ان ترتقي لذائقتكم 000

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياهاجسي مالي على الوقت طاقه=الوقت ماطاع أبن غانم وأبو زيد
الوقت مثل العود سرع احتراقه=وينساب مثل الما ولايحكمه قيد
لاصك بابه تنقفل كل طاقه=ماتكسره رجل ٍ ولاتفتح الآيد
كل ٍوله قسمه بـ رقم البطاقه=ماينقص المقسوم بإسمه ولايزيد
والجسم ماياقف على غير ساقه=وراس الجبل يشمخ سبب فزعة الحيد
حبر القلم فـ الطرس زاد اندفاقه=وهيّض لي الذكرى جموع ٍ وتفريد
ياأصحابي الغالين وأغلى رفاقه=البعد ماينسي الرجال الصناديد
تجري مع الدم المصفـّى العلاقه=ماتنتهي لين السما تطبق البيد
ياكثر من يمشي بـ خط الصداقه=لكن ليا هب الهوى يعكس السيد
وشعيل من قاده على الطيب ساقه=هي عادة الطيّب بلا وجه تحديد
مبّرك لحمل الوفا والوساقه=ومجنّب ٍ درب الردى والمناقيد
لو أهدي من الود مليون باقه=ماعوّض ٍ اللي عن عيوني بعيد
القلب زادت لهفته واشتياقه=وعروقه الضميا دليل وشواهيد
لكن زمان العولمه وانفتاقه=زوّد على كبد المعنّى التلاهيد
قام يحداني لين ضيّق خناقه=دربه عوج تلبد عليه الملابيد
جلّه يجره جر سلك الدقاقه=وان سيّد السّيد وضع فوقه السيد
كل ٍ يبا بالريع يلقى انطلاقه=لكن ّ ماكل ٍ يبا يطرح الصيد
الماد لو طوّل وطوّل سباقه=غير الاصايل تالي الماد مايفيد
يفداكم اللي عهد الاجواد باقه=واللي انقضى عمره ورى مغازل الغيد
واللي رفض دين النبي واعتناقه=واللي اعتنقه وعق في مرضع الديد
واللي على الماجوب مابه لياقه=واللي حياته حسد ٍ لـ زيد وعبيد
هذا وأنا ماأوفيت حق الصداقه=يبقى علّي دين ٍ ويحتاج تسديد
الصدفه اللي سببت للعلاقه=هي خير عندي من جميع المواعيد
تكفيني افراح الليالي سراقه=يازينها الفرحه من العيد للعيد
يااصحابي الغالين وأغلى رفاقه=االبعد ماينسي الرجال الصناديد[/poem]