[poem= font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من صد عني من مزاجه وكيفـه=والله ليبطي عظم مارحت اراضيه
مادمت وافـي والنوايـا شريفـه=وش يزعله مني وينفـخ علابيـه
رزقي على المولى وثم الوظيفـه=والراتب اللي باخر الشهر نرجيـه
ان كان قول الحق عيب وكسيفـه=الحق قوله لو على النفس مااخفيه
من غط كلمة حق عمره حسيفـه=لاطايـعٍٍ ربعـه ولاطـاع واليـه
وان كان طيبي في مراح ونكيفـه=يحسب ضعافه عند من لايسويـه
الطيب وهبـه والجمايـل كليفـه=ماكل رجلٍ ياخذ الطيـب يعطيـه
طيبي موَرثه السلف فـي خليفـه=من جيلٍ اول وارثه صـار تاليـه
ماهمني قـوم العقـول الخفيفـه=اهل الطمع والحسد والكبر والتيه
الكبر طبـعٍ للنفـوس الضعيفـه=اللي تبيع الخير والشـر تشريـه
من لايخـاف الله حياتـه مخيفـه=لاتامنـه لوقـدم الشحـم بيديـه
يبا الشداد اليـا وضعتـه رديفـه=بالضحك والحيله وحقـدٍ مخفيـه
اما تجي حَسَب ربيعـه وصيفـه=والا يحملك العتـب والمشاريـه
[/poem]
للمبدع / حسين الحارثي
.
|