[align=center]السلام عليكم ورحمة الله وبركاتة


مشاركة أتمنى لها القبول[/align]





[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
لاصار مالك قبول بوجه صدقانك=لاتدبل كبود خلق الله وتذيها
أشتر كرامتك من دكان هجرانك=وأختر لشخصيتك موقع ينميها
في كل مجلس تجيه تشوف حقرانك=وبكل عين ٍ تشوف الكره ماليها
الذنب ذنبك ترى ماهم بعدوانك=(النار ماتحرق الا رجل واطيها)
راجع كلامك قبل ينطق به ألسانك=وأعرف دروبك قبل رجليك تمشيها
ماهو على أدنات حاجه تطلق أعنانك=أسكت عن اللي ماتدري وش خوافيها
صمتك عن اللي جهلته قمة أحسانك=تجاهل السالفه لاصرت تخطيها
اللي ما يعنيك لا تعطيه من شانك=ولا تثير العرب في شي يعنيها
يازارع الشوك والمنتوج خذلانك=أليا متى وأنت تكحلها وتعميها
مديون حشمه ولا سددت ديانك=هيبتك ماتت ولا فكرت تحييها
والاغرب أنك تقول الناس عدوانك=أوضاعك المؤسفه مانته بواعيها
راي البشر فيك بالتأكيد ماخانك=راقب عيون البشر تعرف مغازيها
علاقتك تعتبر سفيرة أوطانك=وثق علاقاتك وشيد مبانيها
راحت حياتك سدى مغويك شيطانك=مكانتك معدمه والزيف حاويها
حدد مكانك عدل أضن بإمكانك=اتحاسب النفس ماترجع لماضيها
لاصرت للمرجله ماتعسف أحصانك=وتسابق الخيل والامداح تجنيها
عن هوج الارياح فضلا صك بينانك=وخل الرجوله لمن يحفظ مباديها[/poem]





[align=center]وسلامتكم


خالد[/align]