منتديات المرقاب الأدبية - عرض مشاركة واحدة

13-03-2009, 01:40 AM

تبى الصدق مابعتك ضما وأشتريتك جوع
ضميتك وجعتـك والمعاليـق معـذوره
تريّح علي سد الحشا والضلوع أضلوع
تفرّد بقلبي وأملكـه وأرحـم أشعـوره
تعمق بحبي ماتبـى والعتـب مرفـوع
علي كيفك أكسر حاجز الصوت والصوره
تثور المشاعر من نغم صوتك المسموع
ليا مّر في آذني قلت يـا قايـد الثـوره
جميع الجوارح في محبتك تمشي طـوع
تقول إنها في حـب شـرواك مآمـوره
تسابق عليك أمن الولا والخطا ممنـوع
وأقول الخواطر فـي محبتـك مجبـوره
أنا أكره غيابك لأن ذكر الفراق ايـروع
مشاعر خفوقي في محبتـك مسحـوره
ليا غبت ساعه قلت غيبتك فوق أسبوع
أجل كيف ؟ لو تبطي والايام مخطـوره
ياسيد البها يا المترف الغالـي الدلـوع
ياحلو النبا ياغربـة القلـب وحضـوره
تفرعت بي وأنت الغلا والشعور أفـروع
تغذي علي وصلك وقربـك ومغـروره
عليك الغلا مثني وشوق الهوى مربوع
وشعرٍ كتبته وأنـت ناسـه وجمهـوره
سكنتك وطن عمري ومنهاجي المشروع
وأخذتك حصيل سنين للقلـب وشهـوره
هزمت بهواك الحزن يوم الدموع أجموع
كسبتك نصر وأعلام الاشواق منصـوره
صريحٍ بحبي ماتشكلـت نـوع ونـوع
دليلك وضوحـي والمواقيـف مخبـوره
هذا الصدق مابعتك ضما وأشتريتك جوع
ضميتك وجعتـك والمعاليـق معـذوره

الله يا سعد

ابداع لا شك

صح لسانك ولا هنت

لك كل الود والمتابعه