[align=center]السلام عليكم ورحمة الله وبركاته


متواضعه للتواصل مع الشعبي.......[/align]





[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماقْدر أفارقتس يا نبضي وشرياني = حبتس جرى في عروق القلب منيّه

سكرّت عن حب غيرتس كل بيباني = وشرّعت لتس خافقٍ تاهت خطاويّه

ما يفهمون الغلا يا اعز خلاني = ولا يفهمون الجوارح كيف مبْليّه

يا دار الأحرار يا عزي وعنواني = أي والله اني لأجل عينتس فداويه

إن كانها بالغلا \ أغلى من أعياني = واغلى من الروح يا روح الشقاويه

يومٍ زماني خذا مني ولا اعطاني = يجبر عزايه ترابتس واحسن النيه

ويومٍ فراقه صعيب وبعده ابكاني = ما ضمني غير صدرتس يالسْنافيه

أضناني الشوق؟ والا الشوق اضناني ؟ = أجرها والحنايا نارها حيه

من بعد هذا يلوموني بالاوطاني = يا لعنبوهم بشر ما فيهم حمـيّه

فواز تدري بموضوعي وش أشقاني؟ = يومك تسافر على خط النعيريه

ضيّقت صدري وهلّت غر الأمزاني = ماعاد تقوى على الوقفات رجليه

مير أتعزوا واردد سلم جداني = وأقول كبوة جوادٍ يالــ (.............)

واللي من الشوق يرواني ويضماني = ومن الغلا نظرته لطفٍ وحنيّه

قله يسلم على رجلٍ تحداني = ما جاب راسي وانا وجـد (............) !

اقولها اشْكَرَه ْوالفم ملياني = يضرب تحيه اذا نادى كويتيه ![/poem]