[poem=font="Simplified Arabic,6,black,normal,normal" bkcolor="transparent" bkimage="" border="none,9,gray" type=0 line=1 align=center use=ex num="0,black"]
مناسبة هذة القصيدة وموضوعها هو حفل زواج مشعل المغيبي

وكانت قنات المرقاب سباقة في تغطيتها


يا الله ياواحدٍ مانسجد الا له = ياخالق الخلق والارزاق كافلها

اعوذ بك من عذاب القبر واهواله = ومن كلمةٍ مايسرك حال قايلها

والشعر يطلب ويتعب له ويعنا له = ويرقا براعية في عالي منازلها

والليلة الوقت وقته والسعد فاله = وعقب صبيٍ ربوعة مايجملها

يامرحبا عد نوض البرق فخياله = واعداد ماهلة القبلة همايلها

بجميع من جاه داعينا ولبا له = بسم القبيلة نثنيها وندبلها

في حفل منهو جزيل المدح يزهاله = رجلٍ دروب المراجل ماتجاهلها

من طلعتة كل علمٍ زين يسعاله = مبروك يامشعل الحفلة ومشعلها

والرجل لو تحكمة دنياه وشغاله = من شان ربعة ضروف الوقت يجلها

وان كان حاول وعيت لاتهياله = يفعل مثل مافعلت ابها يكنسلها

لعيون ربعٍ لفعل الطيب مياله = الاد غايب لياعدت فعايلها

قومٍ ليا جا اللزوم وكبرت القاله = تثني وكثر الدعاوي ماتزلزلها

سلايل اللي مع السرحان قد جاله = قصة وفاً مصدر التاريخ ناقلها

مرافق الذيب في حلة وترحاله = وله سيرتٍ يبحل الراوي تسلسلها

ايوالله افخر بهم والراس بعقاله = واهل النوايا ليا مالت نعدلها

ويقال من لايعيل يجيه عياله = والناس عيت تخلص من مشاكلها

والحق محدٍ يريد يسكر اقفاله = ومن قدم الطيبه يلقى مقابلها

ناسٍ على شانها ماتذكر العاله = وناسٍ على شانها ناسٍ نجاملها

وناسٍ يجهز لها الكايد وتشتاله = والا بما يقتض الموقف نعاملها

والعاقل اللي عرف وش له ووش ماله = والخبل ماينتهي لين يتحثلها

والحمد للي ومرنا ومتثلنا له = اللي علية البشر تعقد توكلها

على امن هذا البلاد وفطنت رجاله = وزعيمنا اللي هل النخوه يمثلها

نفخر ببو متعب اللي كل من جاله = يروح من عندة احواله مبدلها

وصلاة ربي عدد ماهل هماله = على نبيٍ شروط الدين كملها[/poem]