[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نسايم الصبح ، لا مرت تصحيني=وتجمع احلى قوافيها ، وتهمسها
نسمه تصبحني ونسمه تمسيني ،=ونسمه تمر بيدي ، واحاول المسها
ماعاد ابي شي من دنياي .. تكفيني=المهره اللي مهرها ، قلب فارسها
محد ٍ ينافس غلاها ، في شراييني=وفالزين ؟ بلاّ مرايتها .. تنافسها
يومياً ارسل لها ، جرحي وسكيني=واكتب عليها ( انا احبك ) واقوّسها
يجيبني حبها ، مدري يوديني=يومنها .. تاقف قبالي ، واخامسها
ويومني اقطف قصايد من بساتيني=واقولها في ملامحها ، واحسسها
بانها غير ، واحلى بنت في عيني =ومن كثر ما احرص عليها ودي احبسها
تحيا بصدري لو انها ميته فيني=بين المعاليق دلتها ومجلسها
اجمل سنيني معاها واسرع سنيني=واصعب سنيني ، ليا سافرت ، واتعسها
اموت فيها وتحيا بي ، وتحييني ،=وآعيشها وارتويها ، واتنفسها
وحتى الحزن لا وقف مابيني وبيني=اتذكر احلى لياليها معي ، واسهى
اول حبيبه ، وثاني من سكن عيني =وثالث علاقه ورابعها ، وخامسها[/poem]
الابداع محمد المسعري ،
والله اني من كثر ماني بمحتار بالرد قمت اغّير في التنسيق والعب بخصلة شعر المفرده لعلها تقف معي فقط لاكتب انك انت مبدع ( واقوسها ) على كل متصفح شعر يحمل بصمة ابداعك ونهجك السهل الممتع والممتنع والافكار المنثوره في كل بيت من القصيده ، ماشاء الله ولا إله إلا الله ، لو كنت في مكانك لاحتفظت بخمسين بالميه من الافكار لاستخدامها في مابعد لان هذه القصيده مكتفيه من الابداع ولو وزع ابداعها على خمس قصايد لخمسه مستشعرين لوصفوا بالمبدعين ،
المبدع محمد المسعري ، اتمنى اني وصلت بعض الاعجاب
|