السلام عليكم ..


<- يذاك أني اعرف اقصد !
:

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يـ غليّم الله يدلك للهدى والقبول=تعال ابا اعطيك علم ولا يطول الجدال
ثم خلها قاعده عندك بكل الفصول=ابن آدم أصلاً للا عقله مايسوى ريال
وراني أبغاك تطلع وأنت راعي نزول=دلوك على الجال تصفق وأنت عندك مجال
لا أقول صاحي على علم ولا أقول مهبول=بكره يخلونك العربان مضرب مثال
عز الله انك ولد منهو يقول ويطول=إن راح يمّ اليمن .. وإن راح يمّ الشمال
ياحيسفي يالزعيم اللي يفك القفول=اللي بعد غاب بانت غيبته في ليال
أهب وأنا ابن ابوي أبك العرب وش تقول=مات الشجيع الكريم ولا ش عقبه عيال
لا .. والمصيبه سفيه وتنقد أهل العقول=وانته لو أسألك ماتعرف جواب السوال
مما تسوونه .. أنت وكل واحد جهول=ضاقت صدور المجالس مع صدور الرجال
اللي على تفرقة ربعه جموحٍ عجول=ماهوب فينا ولا منا على كل حال
احسن له انه عن العالم يعيش مْعزول=وعلى الله الاتكال ولا علاه اتكال
مادام هذي فعولك ياردي الفعول=مجلسك دائم عن الوافين خله لحال
مجلسك مافيه غير عصاه وألا خبول=محلّلين الحرام .. محرّمين الحلال
المجلس اللي من أهل الخير ماله قبول=خسارةٍ فيه مضمونه ماهيب احتمال
وحنا مجاليسنا أصيله بحسب الاصول=مجالسٍ بالكرم تجمع كرام السبال
مجالسٍ لاتزال وجعلها ماتزول=في جوفها نذكر الله بالغدو والاصال
ماعندنا غير قال الله وقال الرسول=يوم أن ماعندك ألاّ فلان وفلان قال
هذاه جزوٍ من اللي في ضميري يجول=والا السوالف كماقالوا عراضٍ طوال ![/poem]


..

ياحيف يابعض العرب..ياحيف ./. أخطوا .. وأنا من فعلهم منصاب !
الصيف راح ودار حول الصيف ./. لكـن شـب النـار .. ياشبـّاب
يمكن سناها في الجبل لا شيف ./. يصبح لمن هو ينظره جذاب
من .. مار وألا جار وألا ضيف ./. والا من الأصحاب والأجناب
حتى يجـي نواف عند .. منيف ./. ويعوّد الغائب .. بعد ماغاب
ربعٍ لهم على النوايف .. نيف ./. تنقض حجج من يفتل الأشناب
كرم وعرف .. ولا تبا تعريف ./. والطيب طبعٍ لاهل الأطيـاب
وافين .. مافيهم ردي وضعيف./. تلقى الشباب أطيب من الشيّاب
وأنا أتسآءل .. كيف بالله كيف ./. نزّلهم تويتر من المرقاب ؟!
.....

قصة حياتي :
http://montada.mergab.com/showthread.php?t=28348